Muli akong magsusulat

Muli akong magsusulat

ni: Dizhiotcho Alfabeto

Ilang buwan na ang nagdaan.

Na sa wari ko’y milenyo ang itinagal.

Magbuhat nang aking ipinahinga,

ang aking pluma at isinantabi.

Kasama ng aking paboritong kwaderno,

na balot ng alikabok,

mula sa pabalat,

hanggang sa mga nalalabi nitong bakanteng dahon,

na kung saan malinaw pang maaaninag,

ang bakas ng mga isinalansang salita.

Ngunit hindi dahil sa panulat.

At sa matingkad nitong tinta.

Bagkus ay sa bigat at  diin,

ng mga masisidhing damdamin,

na siyang umukit ng mga kataga.

Emosyong naglapat ng tugma;

sa mga inilimbag na salita.

Muli kong naalala.

Ang dahilan at sanhi,

Ng  pagdampi ng pluma sa papel.

Ang madalas na nararanasan ng mga matatanda.

At ang aking kinatatakutan…

Ang dumating ang araw na ako’y MAKALIMOT at HINDI MAKAALALA.

Sapagkat nagkakaroon lamang ng kabuluhan ang buhay ng tao,

dahilan sa mga karanasan,

at sa mga naipon nitong alaala.

At kung dumating ang panahong ako’y makalimot.

Sa sandaling makalimutan ko ang mga taong malapit sa akin.

Bukod sa mga larawan,

muli akong magsusulat.

Ihahanay ko’t isasalansan ang mga salita.

Upang magtugma sa kung anong aking nararamdaman.

Sa mga panahon ng paglikom ng aking mga karanasan at alaala.

Bago pa sumapit ang dapit-hapon ng aking buhay.

Muli akong magsusulat.

Mga Saloobin sa Harap ng Dutsa

MGA SALOOBIN SA HARAP NG DUTSA

Ni Dizhiotcho Alfabeto (Joshua Albert Patlin)

Ang tulang ito ay sisimulan ko sa isang anekdota.

Naglalakad ako sa kalsada,

Nang  may madatnan akong patay na pusa.

Kamamatay lang, pagkat dugo’y sariwa.

Aking hinakbangan upang ‘di matapakan.

Subalit may nakakita,

Isang mayuming dalaga.

Matalim niyang mga mata sa aki’y humuhusga.

Hindi ako.. ang pumatay…

Malinis ang aking kamay.

Sa aking paa dugo’y  hindi man lamang dumantay.

Hindi ako ang pumatay!

Ang tulang ito ay hindi kapara ng sa iba.

Hindi ito ROMANSA,

Hindi ito tungkol sa dalawang estrangherong nagkatuluyan.

At hindi ito tungkol sa malanding ugnayan.

Hindi ito KATATAKUTAN,

Hindi ito tungkol sa babaeng kayang ibaluktot ang katawan habang sinasapian.

At hindi ito tungkol sa manikang may mala-rosas na pisnging sinasaniban.

Hindi ito TELENOVELA,

Hindi ito tungkol  sa paslit na hulog ng langit.

At hindi ito tungkol sa karapatan ng mga kabet.

Hindi ito PORNO,

Hindi ito tungkol sa humahalinghing na haponesa.

At hindi ito tungkol sa nagmumurang amerikana.

Hindi…

Iba ‘to?!

Katatapos lang umulan dulot ng bagyo.

Ilang araw nang walang ligo.

Pero ‘di pa naman mabaho.

Tinungo ko ang banyo

Inalis ang saplot.

Ngayo’y tila nanumbalik sa unang sandali ko sa mundo

Sa unang beses na ang hangin ay aking masamyo.

Inabot ang hawakan.

At ipinihit pakanan.

Dahilan upang tubig mula sa Dutsa ay bumagsak sa aking harapan.

Binasa ko ang sarili,

Umagos mula sa aking ulo,

Dumaloy sa katawan,

Hanggang umabot sa talampakan

Napaisip ako,

Habang ikunukulapol sa bumbunan ang artipisyal na gugo.

Nakakasakal ang mundo.

Idinidikta ang bawat kilos at galaw mo.

Walang kang  layang  magdesisyon para sa sarili mo.

Napaisip ako,

Habang nilalanghap ang amoy ng albatross.

Nakakabanas ang mga tao.

 Pagkakamali mo’y naging kabuuan ng iyong pagkatao.

Wala kang ligtas sa mapanghusgang lipunang nakapaligid sa’yo.

Napaisip ako,

Habang hinihilod ang bawat libag na nailimbag sa balat.

Kailan naging batayan ang sukat at timbang sa kakayahan.

Walang dahilan ngunit nakasanayan at naging libangan.

Wala akong nagawa kung hindi pabayaan.

Pagkat mga saloobin sa harap sa dutsa'y tila walang katapusan.

Isinantabi na lamang tulad ng bula na naglaho sa kawalan.

Ulan

Sementeryo

Muntikan

Muntikan

ni: Dizhiotcho Alfabeto

Mahabang panahon ang nagdaan 

Pagkatha ng akda ay nakalimutan

Isang talumpati mula sa di pangkaraniwang hari

Nagpaningas sa aking dugong manunulat

Na hindi ko namalayang dumadaloy pa sa aking ugat.

Nagdesisyong balikan 

Larangan kung saan 

Ako ang mayakda ng aking kapalaran

Subalit sa aking paglikha 

buslo ng tula ay di makita.

Ngalang gamit at daangletra ay naglaho sa gunita.

Ano ang aking gagawin?

Lumikha ng bago 

at umulit sa simula? 

Ang isipan ko'y tuliro 

Malulutong na mura ang nangingibaw sa utak ko.

Pagasa'y  nagsisismula nang maglaho 

Hindi maari ,

Hindi ako makapapayag,

na ang mga nasimulan ay mauwi sa wala at maglaho sa karimlan.

At sa isang iglap isa sa mga inilagay na pangalan ay tumugma.

Nabuksang muli ang buslo ng tula.

Paagtalikod sa panitikan ay muntikang maganap.

MELODRAMATIC SHADOW

http://8020.photos.jpgmag.com/3334624_294629_71504033f6_p.jpg

Melodramatic Shadow

by Dizhiotcho Alfabeto

I was sitting at the bench

Drinking soda to quench my thirst.

Suddenly, I saw a girl at the corner.

Wearing her saddest face.

Burdens by something I cannot tell.

She glows bright as the sunlight touches her skin.

In spite of her gloomy face

She has a beauty that I could hardly deny.

Suddenly I notice something on the ground.

A portrait of all her.

Her shadow that reflects her personality.

As the light brightens, it gives emphasis to her melodramatic shadow.

In an instant I felt an irresistible sensation

The next thing I know, that girl in the corner earned my infatuation.

But that attraction fades away too fast,

Faster than the blink of an eye.

Shorter than counting my fingers,

than of the unfaithful that lingers.

Don’t know why ,

Don’t know how.

Lots of questions that my mind denies to entertain.

Maybe the feelings aren't deep, and it was  just a show.

But I’ll continue to admire her melodramatic shadow.

DILAW NA ALAALA NG ISANG KAYUMANGI

Image Credits: http://scoutingresources.weebly.com/uploads/1/6/0/2/16028196/182204_orig.jpg

Dilaw na Alaala ng isang Kayumanggi 

by Dizhiotcho Alfabeto

Kabuktuta'y tahasan kung itanggi,

Ipinagawang sentro ng kapangyariha'y

Halaga'y kay tindi .

Kabi't kabila sa kanya'y humihila.

Sa pagnanais na mauna sa darating karera

Na wala pa man din ay nagsisimula na.

Sa gitna ng kaguluhan ito'y dumulog sa aniya'y kanyang kaibigan..

Pagkakaibigang naguga't pa sa panahon ng DILAW na ALAALA.

Siya nama'y hindi nabigo

ngunit hindi pa rin sapat

Upang kaguluha'y mahinto.

Hanggang saan hahantong 

kanilang banggaan

nitong ginoong pamilihan...

Nga pala Hello says Tacloban...